HEESAHA HAANTA
Haantu waxa ay ka mid tahay agabka ama weelka lagu dhex
isticmaalo guriga waxana loo adeegsadaa in caanaha lagu lulo laguna
kaydiyo
Milayga ay barwaaqo jirto ay na da’een roobab arliga maansheeyey.
Hawlaha ay qabtaan haweenka somaliyeed waxa kamid ah in ay lulaan
caanaha kana soo saaraan subag
Marka ay caanaha lulayaan waxa ay isku maweeliyaan heeso waxana
kamid ah kuwan hoos ku qoran

Naayaa dhucdhuco dhabar yar
waagii dharaarowye
geellii dhabbaha qaadye
idihii dharaarsade e
odey dhagar qabii yimide
waa layna dhibayaaye
Sow ma soo dhanaanatid

Haantii gobeey haaha
gacantaydu kuma goosan
gacalkeygu ima siinin
waa gorof aan xooleeyey
oon guri ka soo qaaday

Haantii qabooy qoor yar
laba qaar laguu kala jar
laba qaalin kugu buubtey
geeljire ku qoraansay

Ma fayoobidoo ogiye
Fara kugu ma yaaliine
Hilaygiina lama furine
ma furkaa lagaa nuugay

Naa baayo beesheena
waa beelo ceebeede
yaan bilistii shirine
baayooy bulaay ii bax

Dirir oo dud oo joogso
reeraha mir oo mayrac
midigta kaga kaalay
oo murudna hawreebin
adigoo wal walaya
waa beriga ii kaalay